Childhood Pic: భీమ్లానాయక్ మూవీతో తెలుగు ప్రేక్షకులకు పరిచయమైంది సంయుక్త మీనన్. ఈ మలయాళ కుట్టి తన మొదటి సినిమాతోనే ప్రేక్షకుల్లో మంచి గుర్తింపు తెచ్చుకున్నది. పవన్ కల్యాణ్, రాణా హీరోలుగా నటించిన భీమ్లానాయక్ సినిమాలో సంయుక్త రాణా భార్యగా నటించింది. తన నటనతో ప్రేక్షకుల్లో మంచి మార్కులు కొట్టేసింది ఈ భామ.
భీమ్లా నాయక్ మూవీ తరువాత సంయుక్త బింబిసారలో నటించి మంచి పర్ఫార్మెన్స్ కనబరిచింది. ఈ చిత్రం హిట్ కావడంతో ఆ తరువాత సాయిధరమ్ తేజ్‌తో కలిసి విరూపాక్ష సినిమాలో నటించే చాన్స్ కొట్టేసింది. ఈ మూవీ సైతం హిట్ సాధించడంతో సంయుక్త స్టార్ హీరోయిన్స్ లిస్టులో చేరిపోయింది.మూడు వరుస విజయాలతో హ్యాట్రిక్ కొట్టి తనకు తెలుగునాట తిరుగులేదని నిరూపించుకుంది. అనంతరం ‘సార్’లో తన నటనతో మరో మెట్టు ఎదిగింది. తన కళ్లతోనే హావభావాలు పలికిస్తూ ప్రేక్షకాదరణ పొందింది.
వరుస హిట్లతో మంచి ఊపు మీదున్న సంయుక్తకు వెనువెంటనే అనేక సినిమా చాన్సులు వచ్చినా తప్పటడుగులు వేయకుండా ఆచితూచి సినిమాలను చూస్ చేసుకుంటోంది. డెవిల్.. ఇంగ్లిష్ సీక్రెట్ ఏజెంట్ సినిమాలో స్ర్కీన్ షేర్ చేసుకుంది. ఈ మూవీ అనుకున్న విజయాన్ని అందుకోలేకపోయింది. త్రిభాషా చిత్రాల్లో తిరుగులేని నాయికగా తనకంటూ ప్రత్యేక స్థానాన్ని ఏర్పర్చుకున్నది. తమిళం, కన్నడ, తెలుగులో ఫ్యాన్ ఫాలోయింగ్‌ను సొంతం చేసుకున్నది. ఎప్పుడూ షూటింగులతో బిజీగా ఉంటూనే సామాజిక మాధ్యమాల్లోనే చురుకుగానే ఉంటోంది.